Əsas öhdəliklər:

• Proqram təminatı ilə bağlı problemlərin təhlil edilməsi, təməl səbəblərin müəyyənləşdirilməsi və müvafiq həllərin tətbiq olunaraq aradan qaldırılması.
• Proqram təminatının performansına təsir edən şəbəkə yığını ilə bağlı problemlərin diaqnostikası və aradan qaldırılması.
• Sistem əməliyyatlarının idarə olunması və səmərəliliyinin artırılması məqsədilə tapşırıqların avtomatlaşdırılması üçün mürəkkəb Bash skriptlərinin hazırlanması.
• Layihə tələblərinə uyğun olaraq mövcud Bash skriptlərinin dəstəklənməsi, yenilənməsi və təkmilləşdirilməsi.
• Proqram təminatının əməliyyat sistemi üzərində fəaliyyəti, o cümlədən proseslərin idarə olunması və sistem resurslarının bölüşdürülməsi sahəsində bilik sahibi olması.
• Proqram təminatının tərtibatı və yığılması prosesində iştirak, tətbiqlərin düzgün və etibarlı şəkildə yığılmasının təmin edilməsi.
• Proqram təminatına yeni funksionallıqlar və təkmilləşdirmələr əlavə etmək məqsədilə komanda üzvləri ilə effektiv əməkdaşlığın təmin edilməsi.
• Docker konteynerləri və Kubernetes klasterlərində tətbiqlərin layihələndirilməsi, yerləşdirilməsi və idarə olunması üzrə aidiyyəti komanda ilə əməkdaşlığın təmin edilməsi.
• Tərtibat və yerləşdirmə proseslərinin optimallaşdırılması üçün CI/CD proseslərinə dəstək göstərilməsi.
• Kubernetes mühitində tətbiqlərin performans və etibarlılığının monitorinqi və onların aktual vəziyyətdə saxlanmasına dair dəstək verilməsi.
• Konteyner texnologiyaları və uzlaşdırma (orchestration) sahəsində yeni texnologiyalar və qabaqcıl təcrübələr barədə daim məlumatlı olması.

Tələb olunan bilik və bacarıqlar:                

Təhsil:

• Kompüter elmləri və ya digər əlaqəli sahədə bakalavr təhsili, yaxud buna bərabər tutulan istənilən digər iş təcrübəsi.

Tələb olunan bilik , bacarıqlar və təcrübə:

• Proqram təminatı ilə bağlı problemlərin təhlili, o cümlədən sazlama və performansın optimallaşdırılmasında güclü bacarıqlar.
• Bağlantı və performans problemlərini diaqnostika etmək üçün şəbəkə protokollarına dair dərin biliklər və şəbəkə yığınını təhlil etmək bacarığı.
• Tapşırıqların avtomatlaşdırılması və iş proseslərinin optimallaşdırılması məqsədilə müxtəlif Bash skriptlərinin hazırlanması bacarığı.
• Yeni tələblərin qarşılanması və səmərəliliyin artırılması üçün mövcud skriptlərin yenidən qurulması və təkmilləşdirilməsi sahəsində təcrübə.
• Proseslər və sistem zəngləri üzrə biliklər də daxil olmaqla, proqram təminatının əməliyyat sistemi daxilində necə işlədiyini dərindən bilməlidir.
• Yığım sistemləri və versiya nəzarəti alətləri ilə tanışlıq da daxil olmaqla, proqram təminatının hazırlanması və yığılması proseslərinə dair əsas biliklərə malik olmalıdır.
• Kubernetes arxitekturası, o cümlədən qovşaqlar, podlar, yerləşdirmələr, və servislər haqda biliklər.
• Nəzarət müstəvisi komponentləri (API server, etcd, nəzarətçi menecer, planlaşdırıcı) və hesablama qovşağı komponentləri (kubelet, kube-proxy) haqqında biliklər.
• Linux mühitində iş təcrübəsi (tərtibatçılıq və/və yaxud inzibatçılıq).
• KVM (Libvirt) kimi virtuallaşdırma texnologiyaları haqda biliklər.
• Komandada sıx əməkdaşlıq şəraitində işləmək və həmkarları ilə effektiv kommunikasiya qurmaq bacarığı:
• Aşağıdakı dillərdən birində müəkəmməl proqramlaşdırma bacarığı: 
• Golang (tərcih olunandır)
• Python 
• Azərbaycan, Rus və İngilis dilində səlis danışıq

Arzuolunandır:

• Versiyalara nəzarət sistemləri ilə iş təcrübəsi (məsələn, Git).
• Konteynerləşdirmə texnologiyalarına dair biliklər (məsələn, Docker).
• Bulud xidmətləri haqqında təməl biliklər (məsələn, AWS, GCP, Azure) üstünlükdür.

• Bizi izləyin:
• 
• 
• 
• 
•