Honey Bee Development Capital (HBDC) Texnologiya və İnnovasiya şöbəsinə “İT Biznes Analitik – Responsible Finance Platforması” vakansiyası üzrə işə qəbul elan edir.

Vəzifə haqqında:

Şirkətimizin əsas layihələrindən biri olan Responsible Finance Platformasının hazırlanmasında iştirak edəcək yüksək ixtisaslı və motivasiyalı İT Biznes Analitik axtarırıq. Platforma maliyyə təşkilatlarını, investorları və müştəriləri məsuliyyətli və inklüziv maliyyə prinsipləri əsasında vahid rəqəmsal ekosistemlə birləşdirəcək.

İT Biznes Analitik olaraq, siz mürəkkəb biznes ehtiyacları texniki spesifikasiyalara çevirməkdən məsul olacaqsınız. Bank və fintex məhsulları, əməliyyat prosesləri və müasir maliyyə texnologiyaları sahəsindəki bilikləriniz, tərəfdaş şəbəkəmizlə uğurlu inteqrasiyaların təmin edilməsində əsas amil olacaq.

Əsas vəzifə öhdəlikləri:

• Daxili komandalar (məhsul, strategiya, texnologiya) və tərəfdaşlarla (banklar, fintexlər, tənzimləyici qurumlar) əməkdaşlıq edərək biznes və texniki tələbləri toplamaq, təhlil etmək və sənədləşdirmək.
• Biznes ehtiyaclarını proqram təminatı üzrə texniki spesifikasiyalara və use case sənədlərinə çevirmək.
• Responsible Finance Platforması üzrə bütün biznes analiz prosesinə rəhbərlik etmək — tələblərin toplanmasından və proseslərin xəritələnməsindən başlayaraq UAT testlərə qədər.
• Rəqəmsal maliyyə, “open banking”, “embedded finance” və “responsible finance” sahəsindəki son trendləri izləmək və layihədə tətbiq etmək.
• Proqramçılar və UX/UI dizaynerlərlə əməkdaşlıq edərək biznes məqsədlərinin funksional interfeyslərə və istifadəçi yönümlü həllərə çevrilməsini təmin etmək.
• Proqram təminatının inkişaf dövrü (software development lifecycle SDLC) ərzində maraqlı tərəflər və texniki komanda arasında əlaqəni koordinasiya etmək.
• Biznes proseslər, “user stories” və iş axınları üzrə sənədləri hazırlamaq və yeniləmək.

Tələblər:

Təhsil və Təcrübə:

• Ali təhsil 
• Fintex, bankçılıq və ya İT məhsul inkişafı sahəsində ən azı 3 il Biznes Analitik təcrübəsi (B2B platformalar və ya maliyyə həlləri üzrə üstünlük təşkil edir).
• Rəqəmsal maliyyə platformaları, açıq API ekosistemləri və ya SaaS əsaslı maliyyə məhsulları ilə iş təcrübəsi.

Texniki və Sektor üzrə Biliklər:

• Maliyyə xidmətləri, bank sistemləri, fintex biznes modelləri və ödəniş məhsulları üzrə dərin biliklər.
• API inteqrasiyaları, bulud əsaslı platformalar, mobil və veb tətbiqlərin inkişafı üzrə anlayış.
• Biznes proseslərinin modelləşdirilməsi (BPMN) və ya oxşar alətlərlə işləmə bacarığı.
• Agile/Scrum metodologiyaları üzrə biliklər və layihə idarəetmə alətləri ilə işləmə bacarığı.

Şəxsi Keyfiyyətlər:

• Güclü analitik düşüncə və problem həll etmə bacarığı.
• Əla ünsiyyət və maraqlı tərəflərin idarə olunması bacarığı.
• Dinamik startap mühitində prioritetləri düzgün müəyyən edərək çoxsaylı tapşırıqları idarə etmək bacarığı.
• Detallara diqqət yetirmək, innovasiya və müştəri yönümlü həllərə maraqlı olmaq.

Üstünlük verilən namizədlər:

• Maliyyə marketplace-ləri, BaaS/PaaS platformaları üzrə iş təcrübəsi.
• İslam maliyyəsi, məsuliyyətli kreditləşmə və ya ESG-yönümlü maliyyə məhsulları üzrə biliklər.
• Azərbaycan, Mərkəzi Asiya, MDB və MENA regionlarının fintex ekosistemləri barədə anlayış.

Bizim təklif etdiklərimiz:

• Sıfırdan qurulan transformativ maliyyə platformasının formalaşmasında iştirak imkanı
• Dinamik və məqsədyönlü komanda
• Hibrid iş modeli
• Fintex və private equity sektorunda peşəkar inkişaf və beynəlxalq təcrübə

Yer: Bakı, Azərbaycan (Hibrid iş modeli)
İş rejimi: Tam ştat

• Bizi izləyin:
• 
• 
• 
• 
•